| fös 13.apr 2018 12:00 Mynd: Fótbolti.net - Hafliði Breiðfjörð |
|
Spá Fótbolta.net - 11. sæti: Víkingur R.
Sérfræðingar Fótbolta.net spá því að Víkingur R. falli úr Pepsi-deildinni í sumar. Fréttaritarar spá í deildina en þeir raða liðunum upp í röð og það lið sem er í efsta sæti fær 12 stig, annað sæti 11 og svo koll af kolli niður í tólfta sæti sem gefur eitt stig. Víkingur endar í 11. sæti ef spáin rætist.
Sölvi Geir Ottesen kom heim í Víking R. í vetur.
Alex Freyr Hilmarsson er öflugur miðjumaður.
Halldór Smári Sigurðsson er einn reynslumesti leikmaður Víkings.
Logi Ólafsson þjálfari Víkings.
Vladimir Tufegdzic.
1. ?
2. ?
3. ?
4. ?
5. ?
6. ?
7. ?
8. ?
9. ?
10.?
11. Víkingur R. 18 stig
12. Keflavík 15 stig
Um liðið: Víkingur R. endaði í áttunda sæti í fyrra eftir þjálfaraskipti snemma móts og kaflaskipt tímabil. Í vetur hefur liðinu gengið illa í undirbúningsleikjum og bjartsýnin hefur oft verið meiri fyrir sumarið í Fossvoginum.
Þjálfari - Logi Ólafsson: Logi tók við stjórnartaumunum af Milos Milojevic snemma móts í fyrra. Logi er þrautreyndur þjálfari en hann á langan og farsælan feril að baki. Logi hefur meðal annars þjálfað bæði karla og kvennalandslið Íslands á ferlinum sem og félög eins og FH, Stjörnuna og ÍA. Hann varð einnig Íslandsmeistari sem þjálfari Víkings árið 1991. Arnar Gunnlaugsson er aðstoðarþjálfari hans en hann tók við því starfi af Bjarna Guðjónssyni síðastliðið haust þegar Bjarni fór í KR.
Hver tekur við markaskoruninni?
Styrkleikar: Fyrrum landsliðsmaðurinn Sölvi Geir Ottesen sneri heim í Víking í vetur og þar var um að ræða hvalreka fyrir liðið. Varnarleikurinn gæti orðið öflugur með Sölva og Halldór Smára í hjarta varnarinnar. Logi er reyndur þjálfari sem hefur séð tímanna tvenna í boltanum og gæti vel snúið við því slaka gengi sem hefur verið hjá Víkingi í vetur. Víkingar voru mjög öflugir á útivöllum í fyrra en þeir töpuðu einungis þremur leikjum þar og náðu í stig gegn liðum í toppbaráttunni. Einungis Valur náði í fleiri stig en Víkingur á útivelli í fyrra.
Veikleikar: Geoffrey Castillion fór í FH í vetur og erfitt verður að fylla skarð Hollendingsins eftir að hann skoraði rúmlega þriðjunginn af mörkum Víkings í fyrra. Óstöðugleiki hefur verið vandamál hjá Víkingi undanfarin ár en liðið hefur getað náð öflugum úrslitum gegn bestu liðunum í deildinni á sama tíma og það hefur misstigið sig gegn þeim slakari. Spilamennskan og árangurinn á undirbúningstímabilinu hefur verið slakur og það gæti haft áhrif inn í mótið.
Lykilmenn: Alex Freyr Hilmarsson og Sölvi Geir Ottesen. Alex sló í gegn í Pepsi-deildinni í fyrra. Duglegur og leikinn miðjumaður sem getur alltaf skapað usla. Sölvi á frábæran feril að baki og reynsla hans og gæði eiga eftir að skipta miklu máli í vörn Víkings í sumar.
Gaman að fylgjast með: Atli Hrafn Andrason er ungur miðjumaður sem er kominn til Víkings á láni frá Fulham á dögunum. Spennandi verður að sjá hann í Pepsi-deildinni.
Spurningamerkið: Eftir erfiðan vetur er spurning hvort Víkingar nái að snúa taflinu við. Mörkin þurfa líka að koma frá öðrum mönnum eftir brotthvarf Geoffrey Castillion.
Völlurinn: Víkingsvöllurinn er völlur sem mörg félög í uppbyggingu á sínu vallarsvæði ættu að líta til. Stúkan í virkilega góðri stærð fyrir íslenskar aðstæður og allt vel skipulagt. Svæðið er á mjög skjólsælum stað og alltaf fjör að kíkja á völlinn í góðu veðri.
„Markmiðið að gera töluvert betur"
Þjálfarinn segir - Logi Ólafsson
„Þetta er eitthvað sem við ætlum okkur ekki. Ég er samt ekkert að velta því fyrir mér hvað fólki finnst og svona. Við höfum trú á okkur sjálfum og teljum að við getum gert töluvert betur en þetta. Hins vegar hafa úrslit leikja ekki verið þannig að menn geti búist við meiru en þessu. Svona er þetta bara. Markmiðið okkar er að gera töluvert betur en þetta."
Komnir:
Atli Hrafn Andrason frá Fulham á láni
Gunnlaugur Hlynur Birgisson frá Víkingi Ó.
Halldór Jón Sigurður Þórðarson frá Aftureldingu
Jörgen Richardsen frá Kongsvinger
Rick ten Voorde frá Hapoel Ramat Gan
Sindri Scheving frá Val
Sölvi Geir Ottesen frá Guangzhou R&F
Farnir:
Geoffrey Castillion í FH
Ívar Örn Jónsson í Val
Veigar Páll Gunnarsson í KFG
Viktor Bjarki Arnarsson í HK
Sjá einnig:
Hin Hliðin - Gunnlaugur Fannar Guðmundsson
Arnþór og Davíð Atla: Treysta á að Rikki T hrökkvi í gang
Leikmenn Víkings R. sumarið 2018:
2 Sindri Scheving
3 Jörgen Richardsen
4 Gunnlaugur Hlynur
5 Milos Ozegovic
6 Halldór Smári Sigurðsson
7 Alex Freyr Hilmarsson
8 Sölvi Geir Ottesen
9 Erlingur Agnarsson
10 Rick Ten Voorde
11 Dofri Snorason
12 Serigne Mor Mbaye
13 Viktor Andrason
14 Bjarni Páll Rúnolfsson
15
16
17 Gunnlaugur Fannar Guðmundsson
18 Örvar Eggertsson
19 Atli Andrason
20
21 Arnþór Ingi Kristinsson
22 Logi Tómasson
23 Nikolaj Hansen
24 Davíð Örn Atlason
25 Vladimir Tufegdzic
26 Kolbeinn Theódórsson
27
28 Halldór S.J. Þórðarson
29 Valdimar Ingi Jónsson
30 Emil Auðunsson
31 Georg Bjarnason
Leikir Víkings R. 2018:
28.apríl Víkingur R. – Fylkir
7.maí Víkingur R. – Valur
14.maí Stjarnan – Víkingur R.
18.maí Víkingur R. – Grindavík
22.maí Breiðablik – Víkingur R.
27.maí Víkingur R. – Fjölnir
3.júní KA – Víkingur R.
9.júní Víkingur R. – ÍBV
14.júní FH – Víkingur R.
1.júlí KR – Víkingur R.
9.júlí Fylkir – Víkingur R.
16.júlí Víkingur R. – Keflavík
21.júlí Valur – Víkingur R.
29.júlí Víkingur R. – Stjarnan
7.ágúst Grindavík – Víkingur R.
13.ágúst Víkingur R. – Breiðablik
20.ágúst Fjölnir – Víkingur R.
25.ágúst Víkingur R. – KA
2.september ÍBV – Víkingur R.
16.september Víkingur R. – FH
23.september Keflavík – Víkingur R.
29.september Víkingur R. – KR
Spámennirnir: Arnar Daði Arnarsson, Elvar Geir Magnússon, Guðmundur Aðalsteinn Ásgeirsson, Hafliði Breiðfjörð, Magnús Már Einarsson, Magnús Þór Jónsson og Tryggvi Guðmundsson.
Athugasemdir
