Í byrjun janúar 2011 spilaði Hurst síðan sinn fyrsta og eina leik í ensku úrvalsdeildinni til þessa en hann lék þá allan leikinn í 3-0 tapi WBA gegn Fulham á Craven Cottage.

,,Dvölin á Íslandi var fullkominn fyrir mig," sagði Hurst í stuttu spjalli við Fótbotla.net í vikunni.

,,Það hjálpaði mér að temja mér sigurhugarfar og ég er mjög þakkláttur fyrir dvölina þar."

Hurst fékk góða dóma fyrir frammistöðu sína í leiknum gegn Fulham. Roberto Di Matteo, þávarandi stjóri WBA, hrósaði Hurst fyrir leikinn en þrátt fyrir það fékk leikmaðurinn ekki fleiri tækifæri í ensku úrvalsdeildinni.

,,Fyrsti leikur minn í ensku úrvalsdeildinni var ótrúlegur. Ég er ánægður með að Roberto Di Matteo hafi gefið mér tækifærið þarna."

Hurst er ekki búinn að gleyma Eyjamönnum og hann segist hafa aðstoðað Heimi Hallgrímssyni, þáverandi þjálfara ÍBV, í fyrra.

,,Ég talaði síðast við þjálfarann hjá ÍBV á síðasta ári þegar ég var að gefa honum ráð um leikmenn frá Englandi," sagði Hurst sem er nýkominn aftur til WBA eftir lándsvöl hjá Birmingham.