KA er að endurheimta Birgi Baldvinsson í sínar raðir eftir vetrardvöl í Bandaríkjunum við nám.
Birgir var mættur á Greifavöllinn í gær, mætti með sama flugi og KR til Akureyrar. Hann var hins vegar ekki í leikmannahópnum, kannski eðlilega þar sem hann hefur ekkert æft með KA í talsverðan tíma.
Birgir var mættur á Greifavöllinn í gær, mætti með sama flugi og KR til Akureyrar. Hann var hins vegar ekki í leikmannahópnum, kannski eðlilega þar sem hann hefur ekkert æft með KA í talsverðan tíma.
Hann hins vegar gæti verið með í næsta leik KA þegar liðið heimsækir Val á N1 völlinn næsta laugardag.
Birgir er 23 ára vinstri bakvörður sem lék ellefu deildarleiki, þrjá bikarleiki og fimm Evrópuleiki með KA í fyrra. Hann mun aftur missa af lok tímabilsins þar sem hann heldur háskólanámi sínu vestanhafs áfram í haust.
Líklegt er að hann fari aftur til Bandaríkjanna í kringum mánaðamótin júlí/ágúst.
Athugasemdir