Heimir Hallgrímsson landsliðsþjálfari harmar ef menn lásu rangt í orð hans í viðtali við Viðskiptablaðið á dögunum.
Lars Lagerback hyggst hætta eftir lokakeppni EM í sumar og búið er að semja við Heimi um að hann taki þá einn við. KSÍ vill þó að Lagerback endurskoði ákvörðun sína og vill að Lars og Heimir haldi áfram í sameiningu.
Lars Lagerback hyggst hætta eftir lokakeppni EM í sumar og búið er að semja við Heimi um að hann taki þá einn við. KSÍ vill þó að Lagerback endurskoði ákvörðun sína og vill að Lars og Heimir haldi áfram í sameiningu.
Margir lásu í viðtalið að Heimir gæti hætt ef Lars ákveður að vera áfram eftir EM en Heimir segir það kolrangt.
„Þetta var kannski ekki nægilega skýrt orðað hjá mér. Samningurinn minn hljómar þannig að ég átti að taka einn við liðinu eftir þessa Evrópukeppni. Ef Lars verður áfram þarf eðlilega að semja upp á nýtt. Þá þarf ég að ræða við mína yfirmenn. Ég væri allan tímann til í að starfa með Lars áfram. Allir þeir sem þekkja mig vita að ég ber mikla virðingu fyrir kallinum, hann hefur kennt mér mikið og í dag er hann einn af mínum betri vinum. Leiðinlegt að menn mistúlka það að ég sé ósáttur við að hann verði áfram. Það er þvert á móti," segir Heimir.
Viðtalið við hann má sjá í heild í sjónvarpinu hér að ofan en þar tjáir hann sig líka um komandi vináttulandsleiki.
Landsliðsfréttir dagsins:
- Landsliðshópurinn fyrir Abu Dhabi
- Landsliðshópurinn fyrir Bandaríkin
- Heimir: Lars einn af mínum betri vinum
- Vonandi kemst Eiður í bæði verkefnin
- Garðar Gunnlaugs var ekki búinn að gefa upp vonina
- Óli Kristjáns einn af njósnurum Íslands
- Ekki hægt að kaupa miða fyrir utan vellina
Athugasemdir