![Icelandair](/images/icelandair2_150x150px.png)
Bakvörðurinn Valgeir Lunddal Friðriksson spilaði í miðverði ásamt Sverri Inga Ingasyni gegn Hollandi í gær en hann er ekki mjög vanur því.
Eins og Age Hareide benti á í viðtali við Stöð 2 Sport eftir leikinn hafði Valgeir spilað stöðuna með u21 árs landsliðinu.
Valgeir sagði frá því í viðtali við Stöð 2 Sport eftir leikinn að hafi lítið spilað og æft sig í miðverði í fjögurra manna varnarlínu.
„Ég hef eiginlega aldrei spilað miðvörð í fjögurra manna línu. Ég hef verið í u21 árs landsliðinu í þriggja manna hafsentalínu. Þetta er aðeins öðruvísi og aðeins ýktara. Sem bakvörður var ég oft að ýta aðeins út en það var fínt að hafa Sverri við hliðina á mér sem var að tala við mig mikið," sagði Valgeir Lunddal.
„Þetta á eftir að verða betra og betra eftir því sem ég spila oftar. Ég þarf líka að æfa mig. Ég hef eiginlega ekkert verið að æfa þessa stöðu."