Franski miðjumaðurinn Warren Zaire-Emery hefur framlengt samning sinn við Paris Saint-Germain til 2029. Þetta kemur fram í tilkynningu frá félaginu.
Zaire-Emery, sem er 18 ára gamall, spilaði sinn fyrsta leik með aðalliði PSG fyrir tveimur árum þá 16 ára og 151 daga gamall.
Á því tímabili spilaði hann 31 leik í öllum keppnum og skoraði tvö mörk.
Hann hefur þá verið í veigamiklu hlutverki á þessari leiktíð og unnið sér sæti í franska landsliðshópnum. Hann skoraði í fyrsta leik sínum með A-landsliðinu, í 14-0 sigri á Gíbraltar og varð þar með annar yngsti í sögunni til að skora fyrir landsliðið.
Arsenal og Manchester City hafa verið á eftir honum síðustu mánuði en hann ákvað að hafna þeim og gera nýjan fimm ára samning við PSG sem gildir til 2029.
Paris Saint-Germain are delighted to announce they have agreed a contract extension with Warren Zaïre-Emery. The 18-year-old midfielder has signed up with the club until 30 June 2029.#Warren2029 https://t.co/ubsP0lRgGd
— Paris Saint-Germain (@PSG_English) April 27, 2024
Athugasemdir