Aðsendir pistlar
Eina sem er búið að hlusta á í ferðinni er Pitbull.
U21 árs landslið Íslands mætir Englendingum í undankeppni EM í kvöld. Fótbolti.net fékk Björn Daníel Sverrisson og Þórarinn Inga Valdimarsson til að skrifa stuttan pistil frá Englandi um gang mála hjá liðinu.
Wazzup, wazzup, wazzup motherfucker where my money at? Er það fyrsta sem Jói Berg sagði þegar við hittum hann á Heathrow flugvellinum. Dónalegur drengurinn en hverju býst maður ekki við frá honum. John Deaclan sem sér um okkar mál í Englandi tók á móti okkur og fór með okkur í rútuna sem við tókum síðan á Crown Plaza. Já það er rétt. Við erum á einhverju royal dæmi hérna. Af hverju ekki?
Svo voru settar sektarsjóðsreglur. Jói „Lax‘‘dal tók að sér að verða leiðinlegasta maður liðsins næsta árið. Til hamingju Jói. Hann setti líka reglur um að það þyrfti að fagna á æfingum ef maður skorar. Common Jói. Tókum líka æfingu fyrsta daginn sem við vorum hérna, Gamlir rúlluðu yfir ungu í uppspilsæfingunni þar sem Tóti „Harðjaxl“ skoraði stórkostlegt mark, enda með silkysmooth finish á fjærstönginni. Í spilinu fékk Aron Jó að hvíla. Hann var víst eitthvað aumur í vinstra eistanu þessi elska. Ekki furða þar sem hann skoraði daginn áður í Dönsku úrvalsdeildinni. Hvað gera menn þá? Þeir leggja hann.(s.s. kærustuna sína)
Eyjólfur fyllti hans skarð og fór í strikerinn hjá gömlum. Hann var bara í gamla give and go, kann þetta ennþá kallinn. En þrátt fyrir hans takta þá töpuðu gamlir. Það má eiginlega skrifa það tap á Tóta „Roque“ Junior eftir að hann lagði hann snyrtilega í fjærhornið í eigið mark. Skammarlegt alveg en þetta kemur fyrir bestu menn. Reyndar var hann efnilegastur en verður samt ábyggilega bestur á næsta ári.
Um kvöldið var svo bara matur og fundur. Basic endir á basic vinnudegi. Ljósin slökkt og menn í svefn. Nema Jói „Cash Money“ Berg, hann er einn í herbergi. Honka honka.
Í gær var bara rólegheit framan af degi. Menn að facebook-ast og senda e-mail. Facebook er mikilvægt í svona ferðum. Sérstaklega fyrir þá sem eru í mennskunni og þurfa að æsa í fólki fyrir komandi helgi. Ég og Tóti erum bara að spila á Íslandi og þess vegna þurfum við að leggja mikla vinnu í því að eignast vini og vinkonur en ekki þeir. Lucky sons of bitches.
Síðan æfðum við á Colchester-vellinum. Man ekkert hvað hann heiti og ábyggilega ekki Matti Vill heldur. Enda spilaði hann lítið sem ekkert þarna. Samt toppmaður. Flottur völlur, 10 þús manns í sæti og gott bragð af vellinum. Já,Tómas Ingi lætur okkur smakka á vellinum.
Búið að vera fín ferð hingað til og vonandi verður hún frábær eftir daginn. Við höfum trú og vonandi fólkið heima líka. ÁFRAM ÍSLAND!
Signed, sealed, delivered
BD9 og Totti5
