Ég ákvað að búa til lið, samansett af einstaklingum sem ég tel að hefðu gott að fá eitt ef ekki tvo góð þungarvigtar högg í andlitið. Nú er ég alls ekki að ýta undir ofbeldi en ég tel bara að þessi einstaklingar hefðu mjög gott af þessu.

Leikkerfið sem verður spilað er einhverskonar blanda af 3-4-3 og 3-3-4, sem segir okkur að sóknarmenn eru leiðinlegustu týpurnar á vellinum.

Wojciech Szczesny (Arsenal)
Markmannsstaðan er sú staða sem var hvað erfiðust að fylla, enda markmenn allir toppeinstaklingar. En vinur minn hann Wojciech Szczesny (já ég Googlaði þetta) á það til að vera með full leiðinlegt „attitude“ í fjölmiðlum og svo það nýjasta, að senda einhverri gellu á Twitter símanúmerið sitt fyllti mælinn. Það þarf einhver aðeins að tuska hann til og reyna að berja smá vit í hann.

Ashley Cole (Chelsea)
Cashley C*nt eins og hann er oft kallaður er spilað út úr stöðu í þessu liði því hann einfaldlega verður að vera hérna, maður sem heldur framhjá Cheryl Cole á ekkert gott skilið.

Patrice Evra (Manchester United)
Góður leikmaður sem fer gífurlega í taugarnar á öllum nema Manchester United stuðningsmönnum. Á það til að vera hrokafullur, samanber ummæli hans fyrir leik gegn Arsenal þar sem hann talaði um að þetta yrðu menn gegn drengjum. Svo gerði hann allt vitlaust með því að ásaka Suarez um rasisma núna fyrr í vetur.

John Terry (Chelsea)
Fyrir mér var hann með betri varnarmönnum í heimi en er í dag bara „thug“ og almennt frekar óþolandi karakter. Svo gæti hann auðvitað verið rasisti til að toppa þetta. Það mætti alveg einhver taka sig á það að rota John Terry mín vegna (Abou Diaby gerði það reyndar fyrir nokkrum árum en því miður lagaðist framkoma John Terry ekki neitt við það).

Nani (Manchester United)
Hvað er hægt að segja um Nani ? Er eigingjarn, pirrandi, dýfir sér (stundum) og á bara einfaldlega skilið að vera sleginn vel utan undir, og það oftar en einu sinni.

Mario Balotelli (Manchester City)
Hálfviti? Snillingur? Hann er kannski snillingur á vellinum (þegar hann nennir) en hann er svo snar vangefinn að það hálfa væri nóg. Margir hafa gaman að uppátækjum hans en ef fótboltamenn eiga að vera einhverskonar fyrirmyndir þá er nokkuð ljóst að Balotelli er að falla í þeirri deild. Hann er hrokafullur, leiðinlegur, pirrandi og fer gífurlega í taugarnar á mér. Hann heldur einfaldlega að hann sé yfir aðra hafinn og fyrir það hefði hann gott af einu almennilegu rothöggi.

Karl Henry (Wolves)
Hefur litla sem enga fótboltahæfileika. Bætir það upp með grófum og almennt mjög leiðinlegum leik. Er mjög gott dæmi um „hrotta“ á fótboltavellinum.
Gott dæmi um hvernig Karl Henry spilar : Sjá tengil.

Nigel De Jong (Manchester City)
Var að íhuga að setja Joey Barton á miðjuna en hann er orðinn alltof góður til að eiga heima í þessu liði. Svo íhugaði ég að skella Steven Gerrard hérna en hann er alltaf meiddur svo að það er ekki pláss fyrir þann hræsnara. Þá var Nigel De Jong eftir, tæklingin á Xabi Alonso á HM og svo Ben Arfa gerðu það að verkum að ber enga virðingu fyrir manninum. Dýrari útgáfan af Karl Henry ef þú spyrð mig. Skítakarakter sem spilar í sálarlausu liði. Nennir einhver vinsamlegast að rota þennan mann.

Luis Suarez (Liverpool)
Einstaklega pirrandi leikmaður. Dýfir sér útum allan völl (samkvæmt öllum nema Liverpool mönnum) og andlitið á honum er einfaldlega að öskra : Kýldu mig. Virðist alltaf vera pirraður á velli, hefði gott af einu „round house kick“ í andlitið.

Carlos Tevez (Manchester City)
Hvað er hægt að segja um bolabítinn? Var vinsæll hjá Manchester United, núna hataður. Var vinsæll hjá Manchester City, núna hataður. Ég er farinn að sjá mynstur. Óþolandi týpa sem er bara „team player“ þegar hann fær að spila. Um leið og hann er settur á bekkinn þá hættir hann og vill fara í burtu.

Wayne Rooney (Manchester United)
Einn af mínum uppáhalds leikmönnum í gegnum tíðina. Er með þetta „deyja fyrir klúbbinn“ hugarfar sem maður vill sjá í leikmönnum. En allt þetta bíó í kringum það að Manchester United væri ekki nógu gott í fyrra og hann vildi fara setti hann alveg aftast á vinsældarlistann hjá mér. Á endanum fékk hann auðvitað ágætis launahækkun og United vann deildina, ég vill sjá hann lækkaðan í launum og helst rotaðan í leiðinni.

Knattspyrnustjóri: Tony Pulis (Stoke)
Maðurinn hatar Íslendinga, hvað þarf meira að segja ? Einnig tekst honum að búa til eitthvað leiðinlegasta lið á Englandi þrátt fyrir að vera með mjög gott fótboltalið í höndunum.

Varamaður: Didier Drogba (Chelsea)
Hefur verið svo mikið á bekknum undanfarið að hann hefur ekki geta farið jafn mikið í taugarnar á manni og áður. En er samt sem áður gífurlega pirrandi leikmaður sem líklega enginn þolir nema Chelsea stuðningsmenn. Önnur ástæða fyrir því að Didier Drogba er ekki í liðinu er sú að John Ruddy (markvörður Norwich) rotaði hann fyrr í vetur.