Væri þetta svo sem ágætt, ef viðkomandi aðilar færu ekki að trúa á að þetta sé ekki spá, sem byggð er á mismiklu raunsæi og eða óskhyggju, og miða sína umfjallanir og stöðu félaga í samræmi við spána. Ég hef það á tilfinningunni, að það sé nánast formsatriði að keppa.

Vil ég nefna nærtækt dæmi: Á íþróttasíðum Moggans, laugardaginn 5. maí er farið yfir leikina í fyrstu umferð. Hvað kemur þar fram? Jú, það er hvorki meira né minna en fallslagur í Árbænum, þegar Fylkir og Keflvíkingar mætast!.

Ég hefði skilið þetta ef tvær umferðir hefðu verið eftir en ekki 22, og ef þessi tvö lið hefðu verið í bullandi fallhættu. Vil ég benda öllum þeim, sem fjalla um úrvalsdeildina, á að það eru 66 stig í pottinum, þegar deildin byrjar.

Er ég sannfærður um að deildin verður jafnari og skemmtilegri, en margir telja og að tvö ofangreind lið, ásamt Selfossi, sem allir telja að muni fara beinustu leið niður, munu standa fyrir sínu. Eru þau alla vegana komin með stig og mera að segja er Selfoss á toppnum!

Vil ég meina að ef íþróttafréttamenn vilja láta taka sig alvarlega, ættu þeir að draga úr því að vitna í misviturlegar spár. Tel ég að þeir einu sem eru fallnir, séu þeir sem stöðugt tönglast á þessari spá.

Þó að gagnrýni mín beinist að Morgunblaðinu, vil ég taka það fram að blaðið hefur í all mörg ár staðið sig einna best í sambandi við umfjöllun um knattspyrnu, svo og aðrar í þróttagreinar.

Að lokum vil ég lýsa yfir ánægju minni með ýtarlega og skemmtilega umfjöllun Harðar Magnússonar og hans manna á Stöð 2, sunnudaginn 6. maí.

Stebbi Gull, knattspyrnuáhugamaður á Akureyri.