Gunnar Birgisson @grjotze

Textalýsing Skýrslan Viðtöl

Hvað réði úrslitum? Stjörnumenn náðu ekki að klára þennan leik sómasamlega þrátt fyrir að hafa verið með yfirhöndina allan leikinn nánast. Garðar Gunnlaugsson sýndi svo gæði sín með því að skora mark úr nánast eina færinu sem hann fékk í leiknum. Bestu leikmenn 1. Guðjón Baldvinsson Frábær fyrsti leikur hjá Gauja, hljóp á við þrjá leikmenn og vinnusemin gjörsamlega til fyrirmyndar. Sótti vítið vel og var duglegur að halda boltanum og finna félaga sína í færum. 2. Árni Snær Ólafsson Frábær leikur hjá markmanninum, spyrnugetan hans er að sjálfsögðu upp á tíu og svo var hann óhræddur við að koma vel út úr teignum til að stoppa sóknir Stjörnunnar, hélt ÍA lengi vel inn í leiknum. Atvikið Allt í kringum spjaldið á Albert var einstaklega skrautlegt, fær seinna gula og hleypur svo hlægjandi útaf.

Hvað þýða úrslitin? Stjörnumenn eru á leið í einhverja döprustu titilvörn seinni ára. Geta ekki unnið ÍA manni fleiri í hálftíma. ÍA sækir hins vegar frábært stig. Vondur dagur Ásgeir Marteins og Arsenji áttu vægast sagt dapran leik, voru ragir og náðu ekki að búa til neitt fram á við þegar boltinn barst til þeirra. Sýndi sig best þegar Garðar kom inn á og sett'ann eftir stutta viðveru á vellinum. Dómarinn - 5 Gífurlega dapur leikur hjá Valdimari, var ekki alveg með hagnaðarregluna á hreinu og leyfði leiknum ekkert að fljóta. Bauð svo upp á flautukonsert í seinni hálfleik á frekar lítil brot oft á tíðum.