Helgi Fannar Sigurðsson @helgifsig

- Meðalaldur 27 ár

Textalýsing Skýrslan Viðtöl

Hvað réði úrslitum? Síðustu 10 mínútur fyrri hálfleiksins. Haukar áttu mjög góðan fyrri hálfleik en þá sérstaklega þessi síðasti partur, skoruðu þrjú mörk og Selfoss var aldrei að fara að koma til baka eftir það þrátt fyrir að hafa staðið með prýði í seinni hálfleik. Bestu leikmenn 1. Kenan Turudija(Selfoss) Kannski sérstakt að velja mann úr liðinu sem tapaði 5-3 en það er ekki hægt að horfa framhjá því að Kenan skoraði þrennu og virkaði mjög hættulegur í seinni hálfleik. 2. Arnar Aðalgeirsson(Haukar) Fylgir fast á hæla Kenan. Skoraði og lagði upp, átti mjög flottan leik. Atvikið Ætla að hafa tvö atvik í dag: Annað þeirra er annað mark Hauka sem Aran Nganpanya skoraði á 37.mínútu. Það gjörsamlega breytti leiknum þar sem tvö mörk fylgdu eftir í kjölfarið og þá var þetta ,,game over". Hitt atvikið er áðurnefnd skipting Selfyssinga þegar Toni Espinosa gekk af velli þegar Haukar skoruðu sitt annað mark.

Hvað þýða úrslitin? Úrslitin þýða að Haukar eru komnir með 10 stig eftir 6 leiki og sitja í 4.sæti. Það gæti þó breyst með úrslitum síðar í kvöld. Selfyssingar sitja í 8.sæti með 7 stig en það gæti einnig breyst síðar í kvöld. Vondur dagur Toni Espinosa verður að fá þennan vafasama titil eftir að hafa gengið af velli í pirringskasti eftir annað mark Hauka í fyrri hálfleik. Selfyssingar þurftu að gera skiptingu í kjölfarið. Selfoss-liðið gæti allt fengið þennan titil þegar horft er til síðustu mínútna fyrri hálfleiksins en það var annað að sjá þá í seinni hálfleik. Dómarinn - 7 Mér fannst dómarinn standa sig vel í leik þar sem mikið var í gangi og oft á tíðum pirringur í mönnum.