Magnús Þór Jónsson @maggimark

Textalýsing Skýrslan

Hvað réði úrslitum? Seigla Skagamanna í lokin. Komið djúpt inn í uppbótartímann þegar hafsentaparið setti í markaskorunargírinn og tóku verðskuldað stig með upp á Skipaskaga. Bestu leikmenn 1. Helgi Valur Daníelsson Lykilmaður í endurkomu Fylkis í seinni hálfleik, stjórnaði umferðinni og spilinu inni á miðjunni, gaf lykilsendingu í marki Castillion og barðist af krafti til enda, leiðtogaframmistaða. 2. Stefán Teitur Þórðarson Virkilega líflegur leikmaður sem er geysilega áræðinn og vinnusamur ofan á flotta knattspyrnuhæfileika. Föstu leikatriðin frá honum eitruð, innköstin svakaleg. Atvikið Verðum að nefna tvö sem þarf að skoða í sjónvarpi. Boltinn í hönd Daða leit út sem víti úr blaðamannastúkunni og það er klár snerting á Aron markmann þegar Óttar jafnar. Í hita leiksins held ég að tríóið hafi gert rétt í bæði skiptin.

Hvað þýða úrslitin? Bæði lið fara i 4 stig eftir 2 umferðir og leiðast þar í toppsætinu með KR, ósigraðir. Vondur dagur Ætli við verðum ekki að klína því á hann Einar Loga karlinn. Sjálfsmarkið sem hann gaf breytti leiknum, pottþétt að sólin hjálpaði til við það að hann misreiknar rútínubolta og fleytir honum í eigið mark. Dómarinn - 9,0 Guðmundur Ársæll og hans menn voru ákveðnir og flottir í dag í leik sem hefði alveg getað soðið uppúr. Beitti spjöldunum rétt og náði þar að stilla hitastigið rétt.