Anton Freyr Jónsson @antonfreeyr

- Meðalaldur 22 ár

Textalýsing Skýrslan Viðtöl

Hvað réði úrslitum? KA menn mættuvvel gíraðir til leiks og það var aðeins eitt lið á vellinum í fyrrihálfleik. KA menn fóru með 2-0 inn í hálfleikinn og slökuðu fullmikið á í byrjun síðari sem gerði það að verkum að Gróttumenn komu sér inn í leikinn um miðjan síðari hálfleik með marki frá Karl Friðleifi en svo gefa KA menn aftur í og klára leikinn þegar Steinþór Freyr skoraði þriðja markið þegar rétt um stundarfjórðungur var eftir af leiknum og það kláraði leikinn. Bestu leikmenn 1. Hallgrímur Mar Steingrímsson (KA) Skorar þrennu í dag og var maður leiksins. Þessi gæji steig upp þegar mest þurfti á að halda og var frábær í liði KA í dag. 2. Bjarni Aðalsteinsson (KA) Var geggjaður á miðjunni í dag. Hljóp endalaust og vann margar tæklingar og var að skapa hættu fyrir liðsfélaga sína. Lagði svo upp þriðja markið á Steinþór Frey sem kláraði leikinn. Atvikið Þriðja mark Grímsa sem fullkomnaði þrennuna - Gummi Steinn vann vítaspyrnu og Grímsi fór á punktinn og skoraði af miklu öryggi.

Hvað þýða úrslitin? KA menn eru öruggir og eru komnir vel frá fallsvæðinu, en liðið er komið upp í áttunda sæti deildarinnar með 19.stig. Gróttumenn eru hinsvegar enþá í 11.sæti deildarinnar með aðeins átta stig og er liðið á leiðinni niður. Vondur dagur Arnar Þór Helgason (Grótta) - Átti slæman dag í miðverðinum hjá Gróttu. Fékk gult spjald um miðjan fyrri hálfleik og braut síðan aftur á sér tíu mínútum seinna þegar Hallgrímur stal boltanum af honum og braut klaufalega á honum og hefði átt að fjúka útaf en Guðmundur sleppti honum. Var síðan skipt af velli snemma í síðari hálfleik. Dómarinn - 8.5 Guðmundur Ársæll var flottur í dag. Víti/ekki víti sem Grótta fékk í síðari hálfleik fyrir utan það atriði var hann geggjaður í dag.

- Meðalaldur 32 ár

- Meðalaldur 29 ár