Arnar Daði Arnarsson @arnardadi

Textalýsing Skýrslan

Hvað réði úrslitum? Það var eins og það hafi slökknað örlítið á Skagamönnum eftir að hafa komist í 2-0. Leikurinn var galopinn á köflum og sigurmarkið hefði hæglega getað litið dagsins ljós. Bestu leikmenn 1. Alex Davey Hefur legið undir gagnrýni í sumar en þetta var hans besti leikur. Fáir leikmenn sem stóðu uppúr í báðum liðum en Davey var traustur í vörn ÍA og stöðvaði ófáar langar sendingar Keflvíkinga upp völlinn. Eins átti Davey átt í einu af marki Skagans með löngu innkasti. 2. Ingimundur Aron Guðnason Var einn af frískustu mönnum Keflavíkur í leiknum en dró mikið af honum í seinni hálfleik eins og mörgum öðrum. Atvikið Markvarsla Sindra Kristins um miðbik seinni hálfleiks er Morten Beck átti skalla af stuttu færi sem Sindri varði frábærlega. Ísak Snær átti síðan þrumu skot í þverslánna í kjölfarið.

Hvað þýða úrslitin? ÍA er enn á botni deildarinnar en nú með sex stig. Leiknir R. fer upp fyrir Keflavík eftir sigur þeirra í kvöld. Vondur dagur Hallur Flosason hefur átt betri leiki í Skagatreyjunni en hann var í verulegu basli sérstaklega í fyrri hálfleik. Vann sig aðeins meira inn í leikinn en var tekinn af velli eftir rúmlega klukkutíma leik. Dómarinn - 8 Traust frammistaða.