Sæbjörn Þór Þórbergsson Steinke @saebjornth

- Meðalaldur 3 ár

- Meðalaldur 26 ár

Textalýsing Skýrslan Viðtöl

Hvað réði úrslitum? Það kviknaði á Leiknismönnum eftir um klukkutíma leik og liðið átti kafla þar sem það tók yfir leikinn, skoraði og ógnaði meira í kjölfarið. ÍA var alls ekki verra liðið fram að því en nýtti ekki sín færi og hálf færi. Leikurinn var engin flugeldasýning og var ekkert sérstaklega mikið fyrir augað. Bestu leikmenn 1. Birgir Baldvinsson Átti virkilega fínan dag í vinstri bakverðinum í kvöld, bæði varnar- og sóknarlega. 2. Viktor Freyr Sigurðsson Varði allt sem kom á markið og var öruggur í sínum aðgerðum. Brynjar Hlöðversson og Makuszewski gera einnig tilkall í þetta box. Atvikið Sigurmarkið og svo rauðu spjöldin. Wout Droste var óheppinn að sending Mikkel Dahl hrökk af honum til Mikkel Jakobsen sem gerði allt rétt inná teignum og kláraði í fyrsta framhjá Árna Snæ. í uppbótartíma fengu svo Kaj Leo og Makuszewski báðir rautt spjald. Kaj Leo keyrði í Birgi Baldvinsson sem ætlaði að hindra Skagamenn í að sækja hratt og Makuszewski fór svo eitthvað í Kaj Leo í kjölfarið.

Hvað þýða úrslitin? Fyrsti sigur Leiknis í tæplega ellefu mánuði í mótsleik. Þeir unnu síðast þann 8. ágúst á síðasta ári! Fyrsti sigur Leiknis í Bestu deildinni og liðið þar með það næstsíðasta til að vinna leik í deildinni. Eitt stig skilur liðin núna að í 10. og 11. sæti - ÍA með stigi meira. ÍA hefur ekki unnið síðan í 2. umferð þegar liðið lagði Víking. Vondur dagur Kaj Leo gerði lítið eftir að hann kom inná og fékk svo rautt fyrir pirring í uppbótartíma. Ekkert sérstaklega gáfulegt en nær nú vonandi að ná sér 100% fyrir þarnæsta leik ÍA. Dómarinn - 7,5 Fannst leikurinn nokkuð vel dæmdur. Spurning með rauða spjaldið á Makuszewski og brotið þegar Birgir fékk gult spjald. Bæði lið vildu fá víti en held að Þorvaldur hafi metið þau atvik rétt.

- Meðalaldur 9 ár

- Meðalaldur 23 ár