Matthías Freyr Matthíasson @mattimatt

Textalýsing Skýrslan Viðtöl

Hvað réði úrslitum? Það væri auðvelt að halda því fram að fjórfalda skiptingin sem Jón Þór þjálfari ÍA gerði á 38 mínútu væri vendipunktur í leiknum og réði úrslitum en Rúnar Kristinsson þjálfari KR sagði við undirritaðan að eftir að KR komst í 0 - 3 hefðu sínir menn slakað á og gert ÍA kleift á að komast inn í leikinn. En hvað það var sem réði úrslitum skiptir engu máli. Þetta var frábær leikur, sá besti sem ég hef séð í sumar og minnti á gamla tíma hjá þessum fornu fjendum sem háð hafa margar rimmur í gegnum tíðina. Fyrri leikur sumarsins fór 3 - 3 og þessi 4 - 4. Stórveldaslagur, sem þessi bæði lið geta kallast (þótt titlana hafi vantað undanfarin ár) af bestu gerð Bestu leikmenn 1. Eyþór Aron Wöhler Var frábær í liði ÍA með tvö mörk í dag og stoðsendingu. Lét líka finna fyrir sér þegar á þurfti. 2. Atli Sigurjónsson Stýrði liði KR af öryggi, ógnandi og kraftmikill og hraður. Skoraði tvö mörk og með sífellda ógn í sendingum. Atvikið Annað eins hefur ekki sést í Íslenskum karlafótbolta í efstu deild. KR er komið í 0 - 3 á 28. mínútu. Í minnkar muninn á 36. mínútu en rétt áður en það gerðist var augljóst að Jón Þór var kominn með nóg og kallaði að hann vildi gera skiptingu. Blaðamenn héldu að það yrði kannski ein breyting.....en nei. Fjórföld skipting hvorki meira né minna og það í fyrri hálfleik. Atvik sem væntanlega mun ekki gerast mikið oftar held ég.

Hvað þýða úrslitin? ÍA sitja í 11. sæti með 15 stig. Stigi minna en FH en þau lið mætast einmitt í næstu umferð í hörku fallbaráttuslag. Hver hefði trúað því fyrir mót eða nokkrum árum að þessi setning yrði nokkurn tímann rituð. KR fagna væntanlega að Fram og KA hafi gert jafntefli í dag. Það þýðir að KR situr í 6. sæti með 27 stig og tveir leikir eftir fram að úrslitakeppninni. Þar vilja KR sitja þegar að henni kemur. Vondur dagur Kaj Leo í Bartalstovu sást varla í leiknum og það eina sem ég man eftir er þegar hann fékk frábæra sendingu inn í teig KR, tók herfilega á móti boltanum og missti hann. Dómarinn - 8,5 Hef ekkert út á Einar Inga að setja í dag.