Mist Rúnarsdóttir @MistRunarsdotti

- Meðalaldur 26 ár

Textalýsing Skýrslan Viðtöl

Hvað réði úrslitum? Blikar mættu sterkar til leiks, ákveðnar í að sækja fyrsta sigurinn í rúman mánuð. Breiðablik hélt vel í boltann og skapaði sér ágæta sénsa sem ekki nýttust í fyrri hálfleik. Það var þó aðeins spurning um hvenær en ekki hvort Blikar kæmu inn marki og Írena Héðinsdóttir Gonzales braut ísinn á 52. mínútu. Í kjölfarið á markinu áttu gestirnir í Aftureldingu fínan kafla en þegar Agla María Albertsdóttir gerði annað mark Blika á 70. mínútu urðu vonir gestann að engu. Agla María bætti svo við öðru marki 12 mínútum síðar og gerði endanlega út um leikinn. Bestu leikmenn 1. Agla María Albertsdóttir Tvö mörk og sífelld ógn frá Öglu Maríu sem var mjög lífleg í kvöld. 2. Karitas Tómasdóttir Frábær á miðsvæðinu eins og í síðustu leikjum Breiðabliks. Gríðarlega vinnusöm og gefur liðinu mikla orku. Hjá Aftureldingu var Eva Ýr mjög góð í markinu og kom í veg fyrir stærra tap. Atvikið Sóknarþungi Blika jókst eftir því sem á leið og Írena Héðinsdóttir Gonzales náði að brjóta ísinn snemma í síðari hálfleik. Markið skoraði hún með góðu skoti og hún skilaði boltanum örugglega í fjærhornið. Hennar fyrsta mark í sumar.

Hvað þýða úrslitin? Blikar styrkja stöðu sína í 2. sætinu og eiga enn tölfræðilega möguleika á Íslandsmeistaratitli. Afturelding er 4 stigum á eftir Keflavík þegar 2 umferðir eru eftir. Þær halda fast í vonina um að halda sér uppi. Vondur dagur Það átti engin neitt sérstaklega vondan dag en tveir miðjumenn Aftureldingar fengu að líta gult spjald og verða í leikbanni í næsta leik. Þær Sigrún Eva og Anna Pálína. Þriðji miðjumaðurinn fór svo meiddur af velli svo það gæti orðið púsl fyrir Alexander Aron að stilla upp í næsta leik. Dómarinn - 7 Tríóið gerði vel. Egill Arnar var mögulega svolítið fljótur að teygja sig eftir gulu spjöldunum en það sama gekk yfir bæði lið í þeim efnum. Annars voru engin stór vafaatriði í leiknum.

- Meðalaldur 25 ár

- Meðalaldur 26 ár