Sverrir Örn Einarsson @SEinarsson

Textalýsing Skýrslan

Hvað réði úrslitum? Stórt er spurt. XG segir líklega að FH hafi átt að skora fleiri mörk því þeir fengu svo sannarlega færin til þess. Inn vildi boltinn þó ekki og fyrir það refsuðu gestirnir frá Akranesi með flautumarki. Svo sem lítið annað um það að segja en þó gott fyrir ÍA að kveðja Bestu deildina á jákvæðum nótum. Bestu leikmenn 1. Eyþór Aron Wöhler Stoðsending í fyrsta marki leiksins og skoraði svo það seinna eins og sannur framherji þegar hann eltir boltann og uppsker þegar frákast berst til hans eftir varið skot. Fínasti leikur á köflum hjá Eyþóri. 2. Oliver Heiðarsson Kom sér oft í fínar stöður úti til hægri en vantaði oftar en ekki samherja í boxið til að taka við boltanum frá honum. Gerði sitt þó vel að mestu. Atvikið Skrifum það á sigurmark ÍA með síðustu spyrnu leiksins. Hefði auðvitað verið skemmtilegra að það hefði breytt einhverju en fínn endir á tímabilinu fyrir gestina.

Hvað þýða úrslitin? Liðin enda bæði með 25 stig en ÍA fellur á mun verri markatölu. Ekki flókið það. Vondur dagur Baldur Logi Guðlaugsson fékk nokkur úrvalsfæri til að skora úr í dag en brást bogalistinn. Sama má reyndar segja um nokkra samherja hans en það kom ekki að sök Dómarinn - 7 Fínn leikur hjá Vilhjálmi. Engin risaatvik til að tala um og bara nokkuð þægilegt verk.