Stefán Marteinn Ólafsson @Stefanmarteinn7

Textalýsing Skýrslan

Hvað réði úrslitum? Ægir heldur hættulegri og betri í fyrri hálfleik en Njarðvíkingar mun sterkari í síðari hálfleik. Hefði sennilega verið eðlilegast akkurat öfugt en Njarðvíkingar gerðu virkilega vel einum færri og tóku áhættu sem skiluðu stigi. Ægismenn mega vera svekktir. Bestu leikmenn 1. Alex Bergmann Arnarsson Átti frábæra innkomu og ásamt Sigurjóni Már skellti í lás aftast hjá Njarðvík. Fyllti frábærlega upp í skarð Marc McAusland í síðari hálfleik. 2. Cristofer Rolin Var ótrúlega öflugur í liði Ægis. Njarðvíkingar áttu í töluverðu basli með hann og hann tapaði ekki boltanum eða návígi. Atvikið Cristofer Rolin er á leiðinni að loka leiknum fyrir Ægir þegar Marc McAusland tekur einn fyrir liðið og fórnar sér í réttilegt rautt. Hefði verið áhugaverð barátta með jafnt í liðum allan leikinn

Hvað þýða úrslitin? Njarðvíkingar eru með tvö stig eftir tvær umferðir á meðan Ægir sækir sitt fyrsta stig í sögunni í næst efstu deild. Vondur dagur Marc McAusland tekur þetta á sig. Ekki því hann spilaði illa heldur því hann varð fyrir því óláni að vera sá sem þurfti að reyna stöðva Rolin á ferðinni sem aftasti maður og fá rautt. Dómarinn - 6 Ekki fullkomið og ekki hræðilegt. Sumar ákvarðanir furðulegar og spurning hvort Njarðvík hefði mögulega átt að fá víti en rauða spjaldið hinsvegar spot on.