Sölvi Haraldsson @Breiiiiiiiiiii

Textalýsing Skýrslan Viðtöl

Hvað réði úrslitum? Hreinlega bara gæði Skagamanna fram á við. Grótta var örugglega 80% með boltann en gerðu lítið sem ekker með hann. ÍA gerði vel í að loka svæðinu milli miðju og varnar og þegar þeir unnu boltann var brunað í skyndisóknir sem virkuðu vel í dag. Jón Þór skólaði Chris Brazell. Bestu leikmenn 1. Johannes Vall Ég er með þá reglu að þú verður að spila yfir 85 mínútur til þess að vera maður leiksins. Johannes var stórkostlegur í dag fannst mér ásamt Hlyni í hjartanu. Gáfu fá sem engin færi á sig. Mark Gróttu kom meira að segja ekki úr opnum leik. Síðan eiðilagði það ekki að hann skoraði þetta annað mark ÍA á besta tíma. 2. Hlynur Sævar Jónsson Ég ætla bara að fara í hafsentaparið því ég get það. Mér fannst þeir vera bestu menn vallarins af þeim sem spiluðu allan leikinn. Get sagt það nákvæmnlega sama með Hlyn og ég sagði með Johannes nem Johannes skoraði sem skilur þá kannski að. Hlynur búinn að vera án efa einn mikilvægasti leikmaður Skagamanna í sumar og er klárlega einn besti varnarmaðurinn í deildinni. Atvikið Það er seinna mark ÍA sem Johannes Vall skoraði. Það kom á besta tíma, rétt fyrir hálfleik, og gerði það að verkum að ÍA gat tekið menn útaf snemma í seinni hálfleik og byrjað að hvíla fyrir leikinn gegn Fjölni á föstudaginn. Síðan má líka nefna atvikið þegar Chris fær gult spjald. Hann biður síðan dómarann um að spjalda Jón Þór skömmu síðar eftir að Jón Þór tryllist. Það var algjör veisla að vera á milli bekkjanna í þessu atviki og heyra öll orðaskiptin.

Hvað þýða úrslitin? Skagamenn fara upp í annað sætið og eiga Fjölni í næsta leik sem eru í þriðja sætinu. Það er stórleikur! Grótta hinsvegar fara niður í 6. sætið þar sem Vestri vann í kvöld á móti Selfossi. Vondur dagur Chris Brazell kallinn. Fannst leikplan Gróttu ganga ekki neitt upp í dag og ég er eins ósammála Chris í viðtalinu eftir leik að það hálfa væri nóg. Hann talar um að þetta væri frábær leikur hjá Gróttu og að þetta væri þeirra besti leikur í sumar sem mér finnst algerlega galið. Man ekki eftir neinu færi hjá Gróttu fyrr en alveg í lokin eftir að þeir minnka munin úr vítaspyrnu. 4 leikir án sigurs og það er eins og meiðsli Péturs muni hafa gífurleg áhrif á Gróttu. Dómarinn - 8 Teymið gerði mjög vel í dag fannst mér. Háréttar ákvarðanir trekk í trekk og þeir voru með mjög góð tök á leiknum. Fann til með Bryngeiri að vera með Chris fyrir aftan sig sem lét hann oft heyra það og fékk réttilega gult spjald. Flottur leikur hjá tríóinu.