Sæbjörn Þór Þórbergsson Steinke @saebjornth

- Meðalaldur 24 ár

- Meðalaldur 24 ár

Textalýsing Skýrslan Viðtöl

Hvað réði úrslitum? Mér fannst ekki vera mikið af dauðafærum í leiknum en þegar menn ná sóknarfrákasti djúpt inni í vítateig er það oftast gott færi. Dagur Ingi gerði vel að ná frákastinu og kláraði framhjá Viktori í markinu. Bæði lið gátu alveg skorað það sem eftir lifði leiks en það kæmir mér á óvart ef liðin voru að fá mikið yfir 1 í xG. Þetta var nokkuð lokað og svolítið mikil skák í gangi. Bestu leikmenn 1. Baldvin Þór Berndsen Af tveimur góðum fannst mér Baldvin skör framar en Júlíus í þessum leik. Hann og Júlli lokuðu vel á markahrókinn Omar Sowe í leiknum. 2. Dagur Ingi Axelsson Sást meira í fyrri hálfleiknum en þeim seinni. Býr yfir miklum hraða sem Fjölnismenn hefðu mögulega getað nýtt sér enn meira. Góð afgreiðsla og heilt yfir fín frammistaða hægra megin í sóknarlínunni. Atvikið Sigurmarkið er stórt atvik og svo var athyglisvert atvik í restina þegar markvörður Fjölnis þrumaði boltanum upp í loft þegar Leiknismenn voru að leita að jöfnumarmarki. Halldór neitar fyrir það að þetta hafi verið viljandi en það var allavega ansi hentugt fyrir Fjölni.

Hvað þýða úrslitin? Fjölnir er með fullt hús stiga en Leiknir er áfram án sigurs. Fjölnir hefur ekki tapað fyrir Leikni í Grafarvogi síðan 1998. Óskar Alfreðsson, El Normale, skoraði tvö mörk í síðasta sigri Leiknis í Grafarvogi. Vondur dagur Það voru vonbrigði hversu passíf bæði lið voru í dag, í hreinskilni fannst mér þetta frekar gæðalítið og dautt allt saman og kannski orsakast það af því að menn eru enn að spila sig í takt. Það voru tækifæri á að búa til færi og jafnvel dauðafæri en menn voru einhvern veginn ekki að tengja. Axel Freyr hefði hæglega með sínum upphlaupum getað skapað meira en virtist stundum gleyma því að taka ákvörðun og hljóp sig þá í vesen, efnilegir sprettir sem vantar aðeins að fínstilla. Sóknarleikur Leiknis var þá frekar dapur þar til þeir Shkelzen og Róbert Quental komu inn. Dómarinn - 8 Flott frammistaða á flautunni fannst mér, féll ekki í neinar gryfjur og ekkert verið að spjalda of mikið. Spurning hvort Leiknismaður hefði átt að fá gult fyrir að fara í Baldvin í fyrri hálfleik en öðru tók ég ekki eftir.

- Meðalaldur 26 ár

- Meðalaldur 22 ár