Jón Ólafur Eiríksson @fotboltinet

- Meðalaldur 32 ár

- Meðalaldur 26 ár

Textalýsing Skýrslan

Hvað réði úrslitum? Langbesta frammistaða Vestra á nýlögðum heimavelli eftir tvö slæm töp að undanförnu. Blikar virtust ætla að vinna þennan leik með lágmarks áreynslu og náðu ekki ná að komast í alvöru takt þegar þeir þurftu. Bestu leikmenn 1. Sergine Modou Fall Mark og stoðsending hjá Fall sem var að leysa Elmar Atla af sem var í banni. Lenti í litlum vandræðum varnarlega, klárlega hans besta frammistaða í sumar. 2. Ibrahima Balde Hann hefði verið maður leiksins en missti af dekkningunni á Obbekjær í öðru marki Blika. Annars rosalega margir boltar, sérstaklega í fyrri hálfleik sem hann vann og svo er erfitt að ná boltanum af honum, sem er afar dýrmætur kostur hjá leikmanni þessara svokölluðu litlu liða. Atvikið Vítaspyrnan sem var dæmd á Vestra. Viktor Karl er búinn að missa boltann en Tarik setur hönd á bak hans og Viktor fellur við. Var afar strangur dómur og ekki í takt við línuna sem var í leiknum þegar þetta gerðist.

Hvað þýða úrslitin? Vestri eru enn í fallsæti en jafna KA að stigum sem eiga þó leik til góða. Blikar eru nú með jafnmarga leiki og Víkingur og eru 6 stigum á eftir þeim. Það er erfitt að elta Víkingana þegar þeir eru ekki að taka 3 stig úr svona leikjum. Vondur dagur Ég varð fyrir miklum vonbrigðum með Blikaliðið í dag. Þeir sköpuðu sér afar lítið, hreyfðu boltann hægt og þeir náðu ekki upp mikilli pressu. Ég held að ég hafi séð Patrik Johannesen á boltanum í fyrsta skipti þegar hann tók skot úr aukaspyrnu á 45. mínútu. Þeirra fremstu menn verða að taka meiri ábyrgð og draga eitthvað upp úr hattinum þegar illa gengur. Dómarinn - 5 Ívar Orri byrjaði þennan leik vel og leyfði leiknum að fljóta. Svo dæmdi hann þessa vítaspyrnu og skipti algerlega um línu og fór að dæma í hvert skipti sem einhver kenndi sér mein. Mér fannst þessi vítaspyrna ansi harður dómur en dæmi hver fyrir sig.

- Meðalaldur 29 ár

- Meðalaldur 24 ár