Sverrir Örn Einarsson @SEinarsson

Textalýsing Skýrslan

Hvað réði úrslitum? Afturelding er sanngjarn sigurvegari þegar horft er heilstætt á leikinn. Þeir voru betri er fram völlinn var komið og komust oftar í góðar stöður en heimamenn. Framan af gekk þó illa að skapa teljandi marktækifæri og þegar vítaspyrna var misnotuð hélt maður mögulega að þetta yrði einn af þessum núll núll leikjum. Gestirnir héldu þó bara áfram og uppskáru mark sem virtist slá Grindvíkinga alveg út af laginu sem gestirnir nýttu sér til hins ítrasta. Bestu leikmenn 1. Hrannar Snær Magnússon Skoraði ekki í dag en var verulega áræðinn, Hikaði aldrei við að keyra á varnarmenn og vann sig oft í álitlegar stöður. Fínasti leikur. Annars var erfitt að velja einhverja einstaklinga úr liði Aftureldingar í kvöld. Frammstaða liðsins sem heildar situr frekar eftir. 2. Elmar Kári Enesson Cogic Sækir víti en klúðrar því, auðvelt að hengja haus en áfram gakk. Braut ísinn með fyrsta marki leiksins og fær þetta fyrir það. Atvikið Fyrsta mark leiksins hafði mest áhrif. Olía á eld gestanna úr Mosfellsbæ á meðan að lið Grindavíkur virtist hreinlega hætta.

Hvað þýða úrslitin? Afturelding fer í 20 stig og lyftir sér upp í sjötta sæti deildarinnar. Grindavík með sín 17 í þvi níunda. Vondur dagur Verkefni Haraldar Árna Hróðmarssonar þjálfara Grindavíkur er ærið. Hann sagði sjálfur í viðtali að megin markmið liðsins í dag hafi verið að halda hreinu. Það gekk vel framan af en þegar liðið lendir undir er eins og allur vindur sé úr þeim þó enn væri talvert á klukkunni. Verður nóg fyrir hann að hugsa í kvöld og næstu daga. Dómarinn - 6 Ekki versti leikur sem ég hef sé hjá dómara en ekki sá besti. Vítaspyrnan sem hann dæmdi fannst mér rétt en það er spurning um aðra sem Grindvíkingar telja sig eiga að fá. Látum það liggja á milli hluta þar sem ég sá ekki atvikið. Þess utan fannst mér á köflum alltof mikið um stopp í leiknum á köflum og flautað á minnstu mögulegu brot. Eflaust rétt samkvæmt bókstafnum en leikurinn leið fyrir það.