Breiðablik sótti 3 stig á Akranes

Lið ÍA og Breiðabliks áttust við á Akranesi í 8. umferð Pepsi deildar kvenna í kvöld.

Lið ÍA var fyrir leikinn á botni deildarinnar með ekkert stig en lið Breiðabliks í 4. sæti með 13 stig.

Bæði lið spiluðu vel, þó var það Breiðablik sem sótti meira og uppskáru Blikastúlkur mark á 43. mínútu eftir að Blikar fengu aukaspyrnu og það var Fanndís Friðriksdóttir sem gaf á Aldísi Köru Lúðvíksdóttur sem sendi boltann í netið framhjá markmanni ÍA, Caitlin Updyke.

Skagastúlkur komu einbeittari til leiks í seinni hálfleik en það dugði ekki til að þær myndu skora. Blikastúlkur fóru því með sigur af hólmi í kvöld.

Eftir leikinn er ÍA ennþá í botnsæti deildarinnar með 0 stig og Breiðablik er komið í 2. sæti með 16 stig.