Leiknir skoraði mark á 2. mínútu leiksins þar sem einbeitingarleysi gerði vart við sig í vörn ÍBV og var það eins og köld vatnsgusa fyrir þá. Þeir náðu þó að koma til baka og skoruðu jafnframt sitt fyrsta mark á keppnistímabilinu. Hvorugt liðið átti frekar skilið að vinna leikinn og jafntefli sanngjörn úrslit.

Á 20. mínútu leiksins skoraði Víðir Þorvarðarson fyrsta mark Eyjamanna á tímabiliu eftir frábæra sendingu frá Jóni Ingasyni og jafnaði leikinn um leið í 1-1. Leikmennirnir fengu klárlega aukið sjálfstraust með þessu marki og jókst trú þeirra a verkefnið. Eyjamenn voru sprækir í leiknum og hefðu vel getað náð í öll 3 stigin.

Úrslitin þýða að ÍBV er loksins komið á blað í deildinni, bæði hvað varðar stigasöfnun og markaskorun. Þeir sitja þó enn í neðsta sæti deildarinnar. Leiknir náðu sömuleiðis í gott útivallarstig og getur það skipt sköpum á lokametrunum.

Dómarinn Pétur Guðmundsson var ekki góður í dag og getur talist heppinn að hafa aðeins þurft að flauta á lítilsháttar brot. Kolbeinn Kárason í liði Leiknis átti afskaplega dapran dag svo vægt sé til orða tekið. Var hvergi sjáanlegur í leiknum og var á endanum skipt út af þegar 10 mínútur lifðu leiks.

Pétur Guðmundsson átti slæman dag en hann átti allt of fáar góðar ákvarðanir í leiknum. Hann var allt of strangur á brot og var engan veginn með tök á leiknum. Sem betur fer fyrir hann urðu engin stór vafaatriði í dag.