Gunnar Birgisson @grjotze

Textalýsing Skýrslan

Hvað réði úrslitum? Jafntefli þannig séð sanngjörn úrslit, kaflaskiptasti leikur sem ég hef á ævi minni séð, bæði lið fengu víti, sénsa og allt þar á milli og hefðu getað skorað fleiri mörk þessvegna, varnir beggja liða fá hins vegar falleinkunn. Bestu leikmenn 1. Sindri Kristinn Ólafsson Þetta stig er sótt í Árbæinn af Sindra. Ver víti auk þess að verja í þrígang hreint út sagt ótrúlega af stuttum færum. 2. Albert Brynjar Ingason Erfitt að setja mann sem hefur skorað tvö mörk í leiknum ekki í efstu tvö sætin yfir menn leiksins en hér hefði Jói Kalli einnig getað verið. Albert var flottur, misnotaði að vísu víti en heilt yfir flottur leikur hjá framherjanum knáa. Atvikið Vítaspyrnan sem Fylkir fékk og aðdragandinn í kringum hana var gífurlega skrýtinn. Enginn kippti sér upp en samt vildu fáir meina að þetta væri vítaspyrna og stúkan steinþagði, hef sjaldan upplifað svona.

Hvað þýða úrslitin? Fyrir Keflvíkinga þýðir stig rosalega lítið. Þetta var þeirra síðasta líflína. Fylkisliðið hefði aftur á móti þurft stigin þrjú í baráttunni sinni um Evrópusæti. Vondur dagur Fyrir bítlabæinn Keflavík, íbúar munu sennilega ekki sjá liðið sitt leika við þá bestu á næsta ári. Dómarinn - 8.5 Flottur leikur hjá tríóinu, set spurningamerki við vítið sem Fylkir fékk en sérstaklega vil ég hrósa Rúnu aðstoðardómara, fyrsta konan sem dæmir í efstu deild og steig ekki svo mikið sem eitt feilspor.