Léleg vörn hjá Leiknismönnum var helsti munurinn á liðunum, ásamt því að Keflavíkurmenn voru öflugir fram á við með Jóhann og Hörð Sveins fremsta í flokki.

Sævar Atli Magnússon var sá fyrsti af 2000 kynslóðinni til að spila í Pepsi deildinni en hann kom inn á í liði Leiknis undir lok leiks. Hann er þó ekki sá yngsti sem hefur spilað í efstu deild.

Úrslitin þýða ekki neitt. Hinsvegar kærkomið fyrir Keflavík að enda tímabilið með sigri og ná sínum öðrum sigri í deildinni í ár. Eins og það er leiðinlegt fyrir Leiknismenn að kveðja á tapi.

Leiknisliðið í heild sinni var ekki á sínum góða degi og mættu varla til leiks fyrr en um miðjan fyrri hálfleik, Varnarleikur liðsins var arfaslakur og ekkert gerðist hjá þeim í sóknarleiknum á löngum köflum.

Dómarinn var flottur í sínum fyrsta leik í efstu deild, það fór ekki mikið fyrir honum sem verður að teljast gott.