Breiðablik sótti nokkuð linnulaust allan leikinn en tókst ekki að skora í fyrri hálfleik. Stíflan brast hins vegar snemma í þeim síðari með marki frá Fjollu Shala og þá var ljóst að Blikar voru að fara að klára leikinn. Annað mark frá Berglindi Björg gulltryggði sigurinn.

Furðulegt atvik átti sér stað í síðari hálfleik þegar Fanndís var felld í teignum og Gunnþór Steinar Jónsson, dómari leiksins, stakk flautunni upp í sig og gerði sig líklegan til að dæma víti. En af því að Fanndís féll heldur undarlega hætti hann við og dæmdi ekki neitt. Mjög sérstakt.

Sigurinn þýðir að Breiðablik heldur í við Stjörnuna í toppbaráttunni eftir að þær síðarnefndu höfðu unnið Þór/KA fyrr í kvöld. Einungis stigi munar á liðunum og baráttan um Íslandsmeistaratitilinn verður gríðarlega spennandi.

Elísabet lét reka sig ansi klaufalega út af í uppbótartíma. Var á gulu spjaldi og fór í heimskulega tæklingu og verður því í banni.

Dæmdi ágætlega en missti að mati undirritaðs af augljósu víti.