Alexander Freyr Tamimi @alexander_freyr

- Meðalaldur 6 ár

- Meðalaldur 31 ár

Textalýsing Skýrslan Viðtöl

Hvað réði úrslitum? Blikar voru flottir í fyrri hálfleik en Þróttarar geta sjálfum sér um kennt að hafa ekki komið sér inn í leikinn í seinni hálfleik þar sem þeir fengu nokkur ágætis færi og eitt algjört dauðafæri. Blikar voru ekkert sérstakir í seinni hálfleik en hefðu þó sömuleiðis getað klárað leikinn, þeir fengu nokkur ágætis færi til þess. Sanngjörn úrslit á heildina litið, heimamenn voru einfaldlega sterkari í kvöld. Bestu leikmenn 1. Gísli Eyjólfsson Gísli Eyjólfsson átti frábæran leik í kvöld, skapaði ótrúlega mikla hættu og fiskaði aukaspyrnuna sem skilaði sér í seinna marki Blika. Virkilega flottur leikur hjá kauða og Þróttarar áttu í stökustu vandræðum með hann. 2. Oliver Sigurjónsson Oliver átti mjög flottan leik. Var traustur á miðjunni og skoraði með frábærri aukaspyrnu. Lagði í þokkabót upp fyrra mark Blika fyrir Árna Vilhjálmsson. Atvikið Engin spurning að aukaspyrnumark Olivers er atvik leiksins. Gjörsamlega smurði knöttinn í vinkilinn með frábæru skoti.

Hvað þýða úrslitin? Blikar eru komnir með 26 stig og halda lífi í titilbaráttu sinni en eru hins vegar enn fimm stigum frá toppnum í ljósi sigurs FH gegn Fjölni. Þróttarar eru í virkilega vondum málum á botninum með 8 stig og níu stigum frá öruggu sæti. Ef ÍBV vinnur Fylki þann 18. ágúst er þetta svo gott sem búið fyrir nýliðana. Vondur dagur Aron Lloyd Green átti afleitan leik, varð oft undir í baráttunni þegar keyrt var á hann og í þokkabót var maðurinn heppinn að fá ekki sitt annað gula spjald og þar með rautt. Dómarinn - 5 Dómgæslan var ekki upp á marga fiska í kvöld. Nokkrar furðulegar ákvarðanir.