Það sem réði úrslitum var eiginlega hversu yfirvegaðir og vel spilandi Fylkismenn voru. Hákon Ingi fiskar þessa vítaspyrnu á Damir og Daði Ólafsson kláraði það örugglega. Það er ákveðið andleysi í gangi hjá Blikum og sóknarlega er liðið ekki að finna sig. Á meðan eru Fylkismenn bara kátir í fínum málum í byrjun sumars og með bullandi sjálfstraust.

Þegar Ásgeir Eyþórsson handlék knöttinn innan teigs eftir að Arnþór Ari skaut boltanum af stuttu færi. Ekkert dæmt og Blikar hefðu mögulega getað komist þá inn í leikinn.

Fylkismenn eru komnir í 16-liða úrslitin og verður dregið á föstudaginn. Þessi úrslit segja manni það að breiddin hjá Fylki er mikil. Liðið var með menn á borð við Andrés Má, Albert Brynjar og Elís Rafn Björnsson á bekknum. Það er enginn með fast sæti í byrjunarliðinu og samkeppni um allar stöður. Ég ætla ekki að taka neitt af Damir og Efete í miðverðinum hjá Blikum. Þeir eru byrjaðir að mynda ágætis samvinnu og ekki er verra að Gunnleifur Gunnleifsson er kominn í svakalegan gír og hefur verið frábær í síðustu tveimur leikjunum hjá Blikum. Hann átti góðar vörslur í dag og eina svakalega þar sem hann varði í tvígang. Blikar þurfa að leysa hægri bakvarðarstöðuna betur, því fyrir mér er Davíð Kristján frábær í vinstri bakverðinum. Gísli Eyjólfsson átti góða innkomu á miðjuna í dag en liðinu sárvantar þó að hafa Oliver í liðinu. Sólon Breki var týndur stóran part af leiknum en Blikar eru væntanlega að reyna að finna rót vandans í þessum sóknarleik. Martin Lund, Arnþór Ari og Höskuldur þurfa allir að gera betur ef liðið ætlar sér einhverja hluti.

Arnþór Ari hefur átt betri daga í Blikatreyjunni og sömu sögu má segja um Martin Lund. Arnþór fékk nokkur færi og skaut þeim vel yfir markið. Martin var í basli og Fylkismenn lokuðu vel á hann. Sólon Breki var svolítið týndur en hann er samt að stíga sín svona fyrstu skref á hæsta stigi hér á landi.

Vilhjálmur Alvar var þokkalegur. Sýndist þó hann hafa átt að dæma augljóst víti á Ásgeir Eyþórsson þegar boltinn fór í handlegginn á honum.