Eftir að Breiðablik komst í 2-0 bjuggust margir við göngutúr í garðinum. Víkingar náðu hinsvegar vopnum sínum og minnkuðu muninn. Flottur varnarleikur Blika í seinni hálfleik réði úrslitum. Ólsarar fengu sárafá teljandi færi eftir hlé.

Ólsarar voru óheppnir að jafna ekki í lok fyrri hálfleiksins þegar Guðmundur Friðriksson bjargaði á línu eftir horn. Mark þar og við hefðum fengið allt annan leik.

Blikar vinna fyrsta leikinn undir stjórn Milos og sinn annan sigur í röð í deildinni. Þeir eru komnir af stað í þessu móti og spurningin er hvort þeir munu geta gert sig gildandi í baráttu um Evrópusæti?

Nacho Heras sat eftir og spilaði Arnþór Ara réttstæðan í fyrsta marki Blika. Heras lagði síðar upp mark Ólsara en mistökin í fyrsta marki leiksins voru dýrkeypt. Mirza Mujcic heillaði mig heldur ekki í leiknum. Tók föst leikatriði sem voru illa nýtt.

Þóroddur Hjaltalín dæmdi mjög vel í Kópavoginum.