Arnar Helgi Magnússon @arnarmagnusson

- Meðalaldur 31 ár

Textalýsing Skýrslan

Hvað réði úrslitum? Eftir tíðindalítinn fyrri hálfleik komu Blikar inn í seinni hálfleik að krafti og náðu að setja mark mjög snemma. Eftir það datt leikurinn nokkurnveginn í sama gír og hann var í í fyrri hálfleik. Selfyssingar náðu ekki að bæta nægilega miklu við sóknarleikinn og héldu áfram að spyrna þessum vonlausu háu boltum fram sem skiluðu engu. Blikar gerðu í raun bara akkurat það sem þær þurftu og sigldu 0-1 útisigri heim á erfiðum útivelli. Bestu leikmenn 1. Agla María Albertsdóttir Lék varnarmenn Selfyssinga oft á tíðum grátt á köflum með hraða sínum og tækni. Ógnaði stanslaust að marki andstæðinganna og var óhrædd að taka skot úr erfiðum stöðum á vellinum. Frábær í kvöld. 2. Brynja Valgeirsdóttir Selfyssingar halda áfram að fá lof fyrir varnarleikinn sinn. Eru að halda helstu sóknarliðum og sóknarmönnum deildarinnar gjörsamlega niðri og Brynja á stórann þátt í því. Gríðarlega þétt varnarlína sem Brynja stýrir eins og hershöfðingi. Mjög sterk í föstum leikatriðum. Atvikið Markið sem Selma Sól skorar og einnig það mark sem sendir þær í toppsætið. Frábærlega vel gert hjá Selmu.

Hvað þýða úrslitin? Blikar skella sér í bílstjórasætið í Pepsideildinni með eins stigs forystu á Þór/KA. Selfyssingar missa Grindvíkinga fyrir ofan sig en þær sitja eftir þessa umferð í 7. sæti með 8 stig. Vondur dagur Það kom lítið frá sóknarlínu Selfyssinga í dag. Sunneva, Eva, Magdalena og Barbára náðu sér ekki á strik í leiknum og sóknarleikurinn var fyrirsjáanlegur. Dómarinn - 9,0 Nánast óaðfinnanleg frammistaða hjá dómaratríóinu. Leystu þau mál sem kom upp með spjalli og útskýringum. Ekkert hægt að setja út á frammistöðu þeirra.

- Meðalaldur 30 ár

- Meðalaldur 26 ár