Bæði lið sóttu og sóttu en það voru markmennirnir sem réðu úrslitunum í þessum leik. Halldór Páll og Gunnleifur voru öryggir í öllum sínum aðgerðum og áttu margar heimsklassa markvörslur. Sanngjörn úrslit í fjörugum leik.

Vítið í lokin er vendipunktur leiksins. Frá blaðamannastúkunni leit þetta út fyrir að vera dýfa, en Þorvaldur var á öðru máli og dæmdi vítaspyrnu. Halldóri Pál langaði ekki að tapa goslokaleiknum í ár og ákvað að verja vítið. Hefði Gísli skorað, hefðu Blikað líklegast unnið leikinn. Augljóslega.

ÍBV fer upp í 9. sæti deildarinnar með 12 stig á meðan að Blikar fara í 3 sætið með 19 stig.

Ég vil aldrei segja að menn hafi átt vondan dag. Sveinn Aron fann sig kannski ekki alveg fremst á vellinum. Ætla alls ekki að segja að hann var lélegur. Það er alltaf leikur eftir þennan leik.

Nokkrir dómar sem Þorvaldur dæmdi ekki vel. Að mínu mati var þetta ekki víti í lok leiksins. Síðan litlir hlutir eins og gula spjaldið á Shahab, sem var ekki gult spjald þar sem Viktor fór með hendina í andlitið á Shahab. Þorvaldur gaf Shahab gult spjald fyrir dýfu. Gerum bara betur næst.