Gæðamunurinn á liðunum, HK voru sterkari, fljótari og mun öflugri á öllum sviðum í dag.

Fyrsta mark HK drap leikinn og Aðalbjörn dómari hefði getað sparað okkur öllum ómakið og flautað af eftir 20 mínútur. Haukar voru aldrei líklegir.

HK tylla sér á toppinn í einhvern tíma á meðan Haukar sogast neðar í töfluna og eru sex stigum frá fallsæti.

Haukaliðið var alveg vonlaust í dag og erfitt að taka einhvern einn út. En Haukur Björns var alls ekki góður á miðjunni og þar yfirspiluðu HK Haukaliðið í tætlur.

Aðalbjörn líklega að dæma einn sinn auðveldasta leik á ferlinum. Engar stórar ákvarðanir sem þurfti að taka en það þarf líka að dæma þessa leiki vel og það gerði Aðalbjörn.