Lárus Ingi Magnússon @fotboltinet

Textalýsing Skýrslan Viðtöl

Hvað réði úrslitum? Eftir að hafa stjórnað leiknum í fyrri hálfleik, án þess að skora mark, gerðu Blikar tvö mörk með stuttu millibili á fyrsta korterinu í þeim síðari. Það reyndist Keflvíkingum of stór biti. Bestu leikmenn 1. Gísli Eyjólfsson Var gríðarlega öflugur í kvöld og gerði keflvíkingum lífið leitt langtímum saman. Braut ísinn með fyrsta marki leiksins. 2. Thomas Mikkelsen Skoraði tvö mörk og var mjög ógnandi. Hefur komið mjög sterkur inn í lið Blika. Atvikið Vítaspyrnan sem Blikar fengu í lokin. Sindri fór út á móti Davíð og virtist hafa hendur á boltanum þegar Davíð spyrnti í boltann og féll í teignum. Keflvíkingar voru búnir að vera grimmir eftir sitt mark og sóttu jöfnunarmark stíft.

Hvað þýða úrslitin? Blikarnir eru enn í bullandi toppbaráttu ásamt Val og Stjörnunni en Keflvíkingar bíða enn eftir fyrsta sigrinum. Vondur dagur Lasse Rise gerði kannski vonir Keflvíkinga á að losna við hann af launaskrá að engu með verulega daufri frammistöðu. Hélt illa bolta, átti fáar heppnaðar sendingar og hljóp sennilega minna en flestir ef ekki allir útileikmenn beggja liða. Dómarinn - 8 Heilt yfir var Ívar mjög góður og hélt sinni línu í gegnum leikinn. Einn albesti dómari landsins.