Gæði KR eru einfaldlega meiri en Keflavíkur. Heimamenn voru miklu meira með boltann og sóttu mestallan leikinn. Keflavík á hinsvegar skilið hrós fyrir að mæta vel gíraðir inní leikinn en það er erfitt að ætla að verjast í 90 mínútur.

Það kom öllum í opna skjöldu þegar að Frans Elvarsson kom Keflavík yfir. Adam dvaldi hins vegar ekki lengi í paradís og voru KR-ingar búnir að jafna mínútu síðar.

KR-ingar sitja ennþá í fjórða sæti deildarinnar en nú með tveggja stiga forrystu á FH sem að mistókst að vinna Víking R. Keflavík er sem fyrr á botni deildarinnar.

Það var enginn eitthvað yfirburðar lélegur í þessum leik. Ef að ég á að nefna einhvern verð ég að nefna Kennie Chophart. Var ekki jafn áberandi og hann hefur verið í sumar. Annars enginn neitt sérstaklega lélegur.

Helgi Mikael var bara geggjaður í þessum leik. Góð lína og hann leyfði leiknum að fljóta vel. Engin stór vafaatriði sem að ná að bömpa honum uppí tíuna.