Frábær spilamennska Vals. Mörkin hefðu getað orðið fleiri og Sonný bjargaði Blikum oft á tíðum frábærlega og hélt þeim inn í leiknum.

Mörkin hjá Berglindi á 70 og 84 mínútu sýndu hvað hún er mikill gæðasenter. Klárar í fyrsta í báðum færunum og sýnir okkur hvað hún á gullskóinn skilið með sín 19 stykki!

Þau þýða svosem ekki mikið. Valur sýndi góðan leik þrátt fyrir vonbrigðasumar hjá þeim. Þær eru í 4.sæti einsog var vitað fyrir leik. Blikar eru enn Íslandsmeistarar, það hefur ekkert breyst.

Þetta var lokaumferðin og allir í stuði. Það sýndu allir á vellinum að það er mjög gaman í fótbolta og þvílík veisla sem við fengum. Vondur dagur? Ætli það sé ekki bara ég, borðaði of marga snúða. En svona fyrir utan það þá hefði Elín á venjulegum degi skorað svona 2 til 3 mörk, veit það best sjálf.

Bríet alveg ágæt í dag. Hún var fljót að taka upp gula spjaldið á 90 mínútu þegar henni fannst Hallbera tefja. Ég hélt hún hefði gleymt þeim heima hjá sér. Mjög oft hengu blikar í alltof margar mínútu á bakinu á Elínu sem hefði alveg verðskuldað spjöld.