Framan af byrjaði ÍR mun betur og voru í rauninni algjörir aular að fara inn í hálfleikinn í stöðunni 2-2, ÍR-ingar virtust fara á taugum í seinni hálfleik og gengu Magnamenn á lagið, stjórnuðu leiknum og uppskáru sigurmark sem tryggðu sæti þeirra í Inkasso árið 2019!

Hér verð ég að setja atvikið þegar Ström er að stinga sér bakvið Ívar sem að togar hann niður og ekkert dæmt í stöðunni 2-1 fyrir ÍR, ég er nokkuð viss um að þeir hafi átt að fá víti þar og þá mögulega koma sér í 3-1.

Magni spilar í Inkasso á næsta tímabili. ÍR spilar í 2. deild á næsta tímabili.

Varnarleikur ÍR kom ekkert alltof vel út í mörkunum sem Magni skorar, tvö mörk koma eftir föst leikatriði og svo fær Siggi að labba alltof auðveldlega inn á teiginn hjá ÍR áður en hann leggur boltann á hægri fótinn og fer framhjá Halldóri í leiðinni og smellir honum svo í nær.

Fannst Egill dæma þetta þokkalega en má benda á vítið sem ÍR átti sennilega að fá í fyrri hálfleik, svo eru tvö atriði þar sem Egill hefði átt að spjalda að mínu mati en gerði ekki.