Egill Sigfússon @EgillSi

Textalýsing Skýrslan Viðtöl

Hvað réði úrslitum? Blikar settu tóninn strax í byrjun leiks með marki og voru bara miklu betri en KA og enda á að vinna leikinn 4-0. Bestu leikmenn 1. Willum Þór Willumsson Willum var frábær í dag, skorar tvö mörk og fór illa með KA menn oft á tíðum, kóronar frábært sumar. 2. Thomas Mikkelsen Þessi gæji kann að skora mörk, skorar tvö í dag og maður spyr sig hvort Breiðablik hefðu tekið titilinn ef hann hefði komið fyrir tímabil. Atvikið Annað mark Blika. KA voru líflegir í tíu mínútur í þessum leik í stöðunni 1-0 en þegar Willum skoraði annað mark Blika var ekki aftur snúið.

Hvað þýða úrslitin? Breiðablik endar í öðru sæti deildarinnar þar sem Valur vann Keflavík og eru Íslandsmeistarar annað árið í röð. KA menn enda í 7.sæti annað árið í röð eftir að ÍBV fór uppfyrir þá í 6.sætið. Vondur dagur Milan Joksimovic. Milan fékk á sig víti strax eftir rúmar þrjár mínútur og réði ekkert við sóknarmenn Blika í dag. Lið KA í heild sinni var mjög slakt en Milan leið greinilega alls ekki vel í þessari miðvarðarstöðu en hann spilar venjulega vinstri bakvörð. Dómarinn - 9 Siggi Þrastar með flottan leik, vítið hárrétt og man ekki í fljótu bragði eftir mörgum röngum dómum.