HK réð ferðinni allan leikinn. Framan af virtist seigla þeirra og skipulag ætla að gera útslagið en tvö mörk Blika í lokin, úr báðum færum sínum, þýddi að liðin skilja jöfn.

Mark Viktors Arnar Margeirssonar á lokamínútum leiksins. Hefði ekki komið til þess hefðu það verið agalega hnýpnir Blikar á leið af vellinum í leikslok.

Sem stendur eru Blikar í toppsætinu með fjögur stig enda leikurinn sá fyrsti í annarri umferð. HK er komið á blað en naga sig vafalaust í handarbökin yfir því að stigin séu ekki þrjú.

Blikaliðið lék ekki eins og lið sem ætlar sér að vera í toppbaráttu. Í 87 mínútur áttu þeir fá svör gegn sprækum nýliðunum. Grænir geta prísað sig sæla yfir því að fá eitthvað úr leiknum. Ef taka ætti einhvera út fyrir sviga þá áttu Aron Bjarnason og Höskuldur Gunnlaugsson sérstaklega dapran dag enda var þeim kippt út af snemma í síðari hálfleik.

Skilaði sínu og hleypti leiknum ekki í vitleysu þegar hitnaði í mönnum undir restina. Helsta sem hægt er að setja út á er framkvæmd aukaspyrnu Breiðabliks í restina.