Sævar Ólafsson @saevarolafs

Textalýsing Skýrslan Viðtöl

Hvað réði úrslitum? Færanýting Njarðvíkinga skóp þennan sigur. Gerðu vel í mörkunum sínum tveimur í fyrri hálfleik og þau reyndust nóg til að la nda stigunum þremur Bestu leikmenn 1. Brynjar Atli Bragason Virkilega þétt og flott frammistaða hjá þessum unga og efnilega markmanni. Hélt sínum mönnum á floti í þessum leik 2. Stefán Birgir Jóhannesson Stoðsending og mark. Sívinnandi og hættulegur í föstum leikatriðum. Markið hans var mjög lýsandi fyrir frammistöðuna. Dugnaður og sýndi svo gæðin þegar á þurfti. Atvikið Tvö stór atvik. Bæði tengd Sólon Breka. Fyrst varsla Brynjars Atla 1v1 í stöðunni 0-0 og svo markið sem Elías Árni dæmdi af þegar Sólon Breki var dæmdur brotlegur. Einnig í stöðunni 0-0. Stór atriði og stuttu síðar taka Njarðvíkingar forystuna og klára í raun dæmið.

Hvað þýða úrslitin? Úrslitin eru ákveðið áfall fyrir heimamenn sem finna sig með 3 stig af 9 mögulegum. Njarðvíkingar keyra Reykjanesbrautina hinsvegar kátir með 6 stig eftir frekar erfitt prógram í þessum fyrstu þremur leikjum. Vondur dagur Ósvald Jarl Traustason. Það verður ekki tekið af honum að hann átti marga fína spretti upp vinstri vænginn en fyrirgjafir og ákvarðanatökur voru einfaldlega ekki nógu markvissar og skorti viss gæði. Á nóg inni. Dómarinn - 3 Einkennileg lína í þessum leik frá fyrstu mín til þeirrar síðustu. Átti spretti og datt svo í einkennilegar ákvarðanir þess á milli. Heilt yfir slök frammistaða.