Arnar Helgi Magnússon @arnarmagnusson

Textalýsing Skýrslan Viðtöl

Hvað réði úrslitum? Það verður seint sagt að þessi sigur Selfyssinga í kvöld hafi verið sanngjarn. Þrátt fyrir að liðið hafi náð forystu í upphafi leiks þá var liðið á hælunum í fyrri hálfleik. Gestirnir úr Keflavík stjórnuðu leiknum gjörsamlega frá A-Ö. Í síðari hálfleik breyttist leikurinn og Selfyssingar stigu upp. Hólmfríður Magnúsdóttir kom inn undir lok leiks og gerði gæfumuninn. Jafntefli hefði verið fullkomlega sanngjörn niðurstaða. Bestu leikmenn 1. Hólmfríður Magnúsdóttir Spilaði ekki nema 25 mínútur en fær þessa nafnbót. Kom inná með kraft og dreif samherja sína með sér í verkefnið. Skilaði stoðsendingu og skoraði að lokum sigurmarkið á síðustu mínútunni. 2. Sveindís Jane Jónsdóttir Það stafar alltaf hætta af Sveindísi þegar hún er með boltinn eða þegar hann er hreinlega nálægt. Fór nokkrum sinnum illa með varnarmenn Selfyssinga í fyrri hálfleik en í síðari hálfleik dró af henni, líkt og öðrum leikmönnum Keflavíkur. Atvikið Sigurmark Hólmfríðar sem að kom á lokamínútunni. Frábær hornspyrna frá Magdalenu beint á kollinn á Fríðu. Þrjú stig í húsi, takk fyrir takk.

Hvað þýða úrslitin? Skelfileg úrslit fyrir Keflvíkinga sem að sitja í botnsætinu án stiga eftir fjórar umferðir. Selfyssingar um miðja deild með sex stig. Selfoss mætir Val í næstu umferð á meðan Keflavík fær Þór/KA í heimsókn. Vondur dagur Varnarlína Selfyssinga átti erfitt uppdráttar í fyrri hálfleik og gerði Bergrós afdrifarík mistök í jöfnunarmarki Keflavíkur. Varnarlína Selfoss steig upp í hálfleik og hélt helstu sóknarmönnum gestanna í skefjum. Aytac Sharifova, markvörður Keflavíkur var oft með ansi athyglisverða tilburði og var oft á tíðum ekki sannfærandi í sínum aðgerðum. Dómarinn - 6,5 Að mörgu leyti krefjandi leikur að dæma. Bæði lið spiluðu fast og gáfu ekkert eftir í návígum. Nokkrar ákvarðanir sem ég held að Guðni hafi ekki verið með réttar og á tímapunkti voru báðir þjálfararnir virkilega ósáttir með hans störf.

- Meðalaldur 28 ár

- Meðalaldur 23 ár