Eftir tíðindalítin fyrri hálfleik tóku Breiðablik öll völd á vellinum í seinni hálfleik. Skora fjögur góð mörk sem að er yfirleitt nóg til að vinna fótboltaleiki. Blikar voru miklu duglegri og uppskáru þennan sigur úr því.

Þriðja mark Blika var gjöf frá Vigni í marki FH. Var kominn alltof langt útúr teignum og missti boltann klaufalega til Thomas Mikkelsen sem að átti í engum erfiðleikum með að skora í autt markið.

Blikar eru komnir á topp deildarinnar þar sem að Skagamenn töpuðu í Eyjum. Þeir ná þá einnig að slíta sig örlítið frá FH-ingum með sigrinum sem að sitja í 4.sæti með 11 stig.

Vignir verður því miður að taka þennan vafasama titil. Virkaði óöruggur í markinu og átti að gera betur í tveimur mörkum Blika. Jákup Thomsen fann sig þá einkar illa í þessum leik.

Bara fínn leikur hjá Einari. Engar stórar ákvarðanir sem að hann þurfti að taka.