KR voru miklu betri í þessum leik, FH mætti bara ekki til leiks fyrr en í seinni hálfleik og það dugði þeim ekki í kvöld.

Varslan hjá Beiti rétt eftir að FH minnkaði muninn. FH voru nálægt því að jafna leikinn beint eftir markið sitt en Beitir var vel á verði og bjargaði, eftir það sigldi KR þessu heim.

FH situr áfram í 7.sætinu með 12 stig og hafa ekki unnið leik í rúman mánuð í deildinni. KR fer á toppinn aftur og eru búnir að vinna sex leiki í röð í deildinni.

Atli Guðnason hefur átt miklu betri daga, kom ekkert út úr honum í kvöld og hefði alveg getað verið tekinn útaf miklu fyrr. Jónatan Ingi, Steven Lennon, Brandur hefðu allir getað verið hér líka, Lennon sleppur í kvöld fyrst hann náði inn marki en hann var mjög slakur þess utan í leiknum.

Ekki frábær dagur hjá nafna, skrýtin lína, sleppti stundum spjöldum sem var klárt spjald og dæmdi svo skrýtnar aukaspyrnur þess á milli.