Hér mættust einfaldlega bestu lið landsins og jafntefli líklega sanngjarnt. Blikastelpur voru betri fyrstu 10 mínúturnar en þá tóku Valsstelpur við og áttu hreinlega leikinn fram að 38 mín. þegar Berglind minnkar muninn. Blikar voru svo ívið sterkari í seinni hálfleik en skoruðu ekki fjöfnunarmark fyrr en undir lokin og þar við sat.

Jöfnunarmark Breiðabliks. Þegar maður hélt að Valur væri að sigla sigrinum í höfn kemur flott sókn hjá Blikum sem Alexandra klárar gríðarlega vel. Það var töluverð rangstöðulykt af markinu sem og Áslaug Munda var utan vallar þegar sendingin var gefin.

Valur heldur enn toppsæti deildarinnar á markatölu og bæði lið ennþá ósigruð í deildinni.

Mér fannst enginn leikmaður eiga sérstaklega vondan dag, þær virkuðu allar vel gíraðar í leikinn. Hugsa að ég verði bara að nefna Thelmu Björk hér sem var virkilega óheppin að þurfa að fara útaf aðeins nokkrum mínútum eftir að hún kom inná eftir slæmt samstuð við Hildi Antons. Gríðarlega svekkjandi fyrir hana og Valsstelpur en við vonum auðvitað að hún sé í lagi.

Mér fannst Egill dómari komast nokkuð vel frá þessum leik framan af. Valsstelpur vildu fá víti þegar brotið var á Fanndísi en Egill lét leikinn bara halda áfram sem ég held að hafi verið rétt ákvörðun. En stóra spurningin er jöfnunarmark Breiðabliks. Áslaug Munda er utan vallar þegar þegar hún sendir fyrir og Alexandra líklega rangstæð.