Það var gæðamunur á þessum tveimur liðum í dag sem sást vel á vellinum. Magni náði sér aldrei á strik á meðan gestirnir voru öflugir og sýndu á köflum frábæra spilamennsku.

Mark númer tvö slóg Magna alveg út af laginu en þeir komu öflugir inn í seinni hálfleikinn. Markið slökkti á heimamönnum og gestirnir bættu bara í eftir það.

Leiknir fer upp í 21 stig í 5. sæti og ná að tengja saman tvo sigra. Magni tapar sínum fyrsta leik á Grenivíkurvelli í sumar og mistekst að koma sér upp úr fallsætinu. Liðið er áfram í 12 sæti með 10 stig.

Magna liðið í heild sinni kom frekar illa stemmdir til leiks og náðu einhvern veginn aldrei takti í leiknum. Vondur dagur hjá liðsheildinni sem er einmitt það sem Magni þarf að stóla á. Það líka aldrei skemmtilegt að skora sjálfsmark og það var hlutskipti fyrirliða Magna í dag Sveins Óla.

Kristinn og hans aðstoðamenn voru útum allt í dag. Það var enginn lína í leiknum og hann virkaði óöruggur. Oft mjög augljós brot sem hann lét vera að dæma á. Stundum var hann kominn með flautuna upp í munninn en hætti þá skyndilega við. Ekki hans dagur.