Samskiptaleysi Halldórs Páls og Sigurðar Arnars kostuðu Eyjamenn stig í dag en hvorugt liðanna sköpuðu mikið í leiknum.

Gjöf Halldórs Páls og Sigurðar Arnars til HK-inga í upphafi seinni hálfleiks. Það var engin hætta en Sigurður Arnar ætlaði að skalla boltann aftur til Halldórs í markinu. Halldór Páll var hinsvegar kominn útúr markinu. Bjarni Gunnarsson tók þátt í kapphlaupinu og var mættur inní teig einn gegn tómu marki og lagði boltann í netið.

Eyjamenn eru áfram á botni deildarinnar með fimm stig og staða þeirra í deildinni verður svartari og svarti. HK er hinsvegar komið með 21 stig í 5. sæti deildarinnar.

Halldór Páll og Sigurður Arnar klóra sér sennilega í hausnum eftir leik en þeir gjörsamlega gáfu HK-ingum mark í upphafi seinni hálfleiks sem að lokum reyndist eina mark leiksins.

Helgi Mikael átti virkilega góðan leik í dag og var heilt yfir með allt á hreinu. Stjórnaði leiknum vel og var ekkert að flækja hlutina.