Gæði KR. Skynsamt leikplan sem spilaði upp á styrkleika KR var það sem réði úrslitum í dag. Grindvíkingar voru á eftir í alla bolta og var sigurnn síst of stór.

Fyrra mark Grindavíkur var skrautlegt. Samskiptaleysi í vörn KR, Finnur sýnist mér ætla að skýla boltanum fyrir Beiti en hættir svo bara við virðist vera. Primo í sníkjunni og nær að pota boltanum í netið. Kom þó ekki að sök í dag en klaufalegt með eindæmum.

Það fer að styttast í (staðfest) á að KR verði Íslandsmeistari. Eru í vægast sagt góðri stöðu þegar 7 leikir eru eftir af þessu móti. Grindavík þarf að treysta á liðin í kringum sig til að sitja ekki í fallsæti að lokinni þessari umferð.

Maðurinn sem Innkastið kallar kónginn í Pepsi Max Josip Zeba hefur átt betri daga. Réði ekkert við kvika KRinga. Veikleikar í vörn Grindavíkur voru augljósir í kvöld en þar skortir þeim hraða.

Ívar var ágætur í kvöld. Set þó risa spurningamerki við seinna mark Grindavíkur og eins var hann full spar á spjöld í kvöld.