Elvar Geir Magnússon @elvargeir

Textalýsing Skýrslan Viðtöl

Hvað réði úrslitum? Leikurinn var óvenju hægur en á lokametrunum náði Leiknisliðið að skipta um gír og sigla stigunum þremur í hús. Leiknir fékk betri færi í leiknum og fagnaði á endanum sigri. Bestu leikmenn 1. Ernir Bjarnason - Leiknir Ernir var gjörsamlega út um allan völl og var arkitektinn að sigurmarkinu. Frábær dugnaður og gæði. 2. Nacho Heras - Leiknir Stóð vaktina vel í vörninni, eins og oft áður í sumar. Atvikið Sigurmark Ernis Bjarnasonar. Einfalt. Keyrði upp miðjuna, tók gott veggspil við Kristján Pál og kláraði sjálfur með mikilli prýði.

Hvað þýða úrslitin? Þau þýða einfaldlega að Leiknismenn eru að stimpla sig í toppbaráttuna. Eru þremur stigum frá 2. sætinu og eiga stórleik gegn Þór eftir rúma viku. Þróttarar sigla lygnan sjó. Vondur dagur Rafael Victor. Nýtti færin sín illa og tók slakar ákvarðanir á síðasta þriðjungi vallarins. Dómarinn - 6 Pétur var með ágætis leikstjórn en sleppti augljósri vítaspyrnu í fyrri hálfleik.