KR voru ferskar fyrstu 45 mínúturnar og leiddu 1-0 þegar flautað var til hálfleiks. Blikar komu hinsvegar sterkar inn í seinni hálfleik og voru rosalega ákveðnar. Þær voru einfaldlega betur gíraðar í þeim seinni og þá dró aðeins af KR. Eftir því sem leið á leikinn komust Blikar meira inn í leikinn. Þær skoruðu tvö mörk og hefðu getað skorað fleiri.

Þegar Blikar jafna leikinn. Þá hrukku þær í gang og voru líkari sjálfum sér. Eftir það dró aftur að KR liðinu og þreytan frá bikarúrslitaleiknum er líkleg skýring á því.

Blikar sitja ennþá í 2.sæti og eru þar á eftir Valskonum sem unnu líka sinn leik í kvöld. KR sitja hinsvegar í þéttum pakka í 7.sæti þar sem allt gæti gerst í fallbaráttunni.

Blikar voru mjög ólíkar sér í fyrri hálfleik og fengu á sig hálf klaufarlegt mark. Sonný átti mögulega allt í því marki. En þær unnu leikinn og því ekki hægt að velta sér upp úr því lengi.

Dómaratríóið var flott í dag. Það voru tvær rangstöður sem ég set spurningarmerki við en annars nokkuð vel dæmdur leikur.